LEGAZPI CITY — Nagbilog nin team si Legazpi City Mayor Noel Rosal na magiging katabang kan Public Safety Office (PSO), Department of Tourism (DOT) Bicol, Albay Public Safety and Emergency Management Office (APSEMO), asin iba pang concerned agencies sa monitoring sa mga ATV operators sa ciudad.
Sa intrevista kan Bombo Rado Legazpi kay City Disaster Risk Reduction and Management Office (CDRRMO) head Engr. Miladee Azur, mahigot an kasuguan kan alkalde na magsumite an mga operators nin route plan antes dagos na makabalik sa operasyon.
Kinakaipuhan suboot na ma-asses kan local government unit kun salbado an aagihan kan mga ATV.
Ipigduon man kan opisyal na mahigot na ipinagbabawal an paglaog sa 6 kilometer permanent danger zone maski pa warang nangyayaring volcanic activity.
Dugang pa ni Azur na huli ta nakabandera an alert level 2 status sa bulkang Mayon, dakula man liwat an posibilidad na magkaigwa nin pyroclastic density current na naghuhugpa sa rikas na 500 km per hour hanggang 1,000 km per hour.
