Inihayag ni dating presidential spokesman Atty. Harry Roque na igwa suboot na nang-hudas o nagtraydor ki Senador Ronald “Bato” dela Rosa.
Ginibo kaini an pahayag sa sarong online post kasunod kan mga naglalakop na impormasyon na naarestar na an senador huli sa arrest warrant hali sa International Criminal Court (ICC).
Kan Agosto 4, nag-post si Roque nin mensahe na “Meron nga daw na nang-hudas kay Bato.”
Wara man na ipinaluwas si Roque na iba pang detalye o pangaran kun siisay an pigtutukoy na nagtraydor sa senador.
Mientras tanto, pinahimutikan man kan nagkapirang opisyal kan gobierno asin ahensya an mga bareta na nadakop na si Dela Rosa.
Sinabi kan National Bureau of Investigation (NBI), Philippine National Police (PNP), asin Department of the Interior and Local Government (DILG) na warang opisyal na impormasyon o kumpirmasyon dapit sa pagkaka arestar sa nasabing senador.
