Inihayag ni House Prosecution counsel Atty. Lorna Kapunan sa Senate Impeachment Court na “na-Indian” sinda kan defense team makalihis balewalaon an saindang mensahe asin magpalyar na magpahiling kan nakalihis na Huwebes asin Biyernes ngani na ikumpara an acknowledgement receipts katakod kan misuse of confidential funds charges kontra ki Vice President Sara Duterte.
Sa saiyang manifestation sa ika-14 na impeachment trial, sinabi ni Atty. Kapunan na nagpapahiwatig ini nin “bad faith” hali sa lado kan depensa.
Segun pa sa private prosecutor, idinahilan suboot kan ibong na lado na kulang sinda sa mga abogado asin warang bastanteng oras ngani na sunudon an kasuguan ni Trial Presiding Officer Francis Escudero.
Dagdag pa ni Atty. Kapunan nanagpadara nin mensahe an saindang lado kan Miyerkules ngani na haputon kun nuarin pwedesir na maghilingan an duwang lado para sa stipulation kan nasabing mga dokumento.
Alagad warang naresibeng reply hasta sa oras na matapos an office hours kan Huwebes, ibmes ipigrekomenda na maghilingan sa Agosto 14 na lagpas na sa duwang petsang ipigrekomendar kan impeachment court.
Katwiran man ni Defense counsel na si Atty. Kristine Ferrer na dae na kaipuhan na ikumparar an mga exhibit huli ta nakasalalay na sa desisyon kan korte an pag aprubar kan authenticity kan mga acknowledgement receipt.
Marurumduman na kan nakalihis na impeachment trial kan Miyerkules, pigsugo kan presiding officer an duwang lado na mag-olay kan Huwebes, Agosto 6 o Biyernes, Agosto 7 ngani na ikumpara an acknowledgement receipts, na sinayumahan kan depensa na i-stipulate.
