Pigduon ni Atty. Levi Baligod na maingat niyang pig-review an mga affidavit kan mga retiradong soldados na inibanan niya sa dai pa sana nahahaloy na press conference.
Kun babalikan an naunambitan na pulong balitaan, nag-akusar an mga nagpabistong retired soldiers na igwang mga suhulan hale sa kampo ni dating Rep. Zaldy Co sa ibang mga politiko asin representante kan International Criminal Court (ICC), para sa imbestigasyon sa drug war kan nakaaging administrasyon.
Segun ki Baligod, personal niyang pig-review an mga affidavit kan mga dating soldados, makalihis na ipabisto saiya kan nakalihis na taon kan mga soldados na nagserbi man bilang security detail ni Zaldy Co, arog ni retired Marine Sgt. Orly Guteza na enot na nag-appear sa hearing kan Senate Blue Ribbon Committee.
Kan hinapot an abogado kun nyata enot niyang ipinaluwas sa publiko an laog kan mga affidavit, sinabi kaini na pig-oobserbaran niya an mga executive asin legislative department asin syertong mapagal suboot maglaom sa siring na mga institusyon.
Huli kaini, maninigo suboot na ipaluwas muna sa publiko an laog kan mga affidavit, urog na dae suboot piglalaoman na magigin interesado an lehislatura sa saindang ipinapaluwas na impormasyon.
Sa ibong kaini, nagkaigwa man liwat nin kusog nin boot si Baligod na magsumite nin kopya sa Office of the Ombudsman.
Nanindugan man si Baligod na dae siya nagpaluwas nin anuman na kopya kan affidavit, sa ibong kan suboot pagpaluwas nin kopya kan affidavit online.
