LEGAZPI CITY-Pig-papagirumduman kan grupong August Twenty-One Movement (ATOM) an mga joven na ipadagos an pagigin maaram sa historya kan Pilipinas.
Segun kay August Twenty-One Movement President Volt Bohol, sa intrevista kan Bombo Radyo Legazpi, na importanteng maaraman kan mga jovenes an mga nangyari kaito maski pa dai ninda ini naabutan, siring kan pagpaslang kay dating Senator Ninoy Aquino Jr..
Maikukumpara suboot ini sa nangyaring assassination sa Amerika, kay dating U.S. President John F. Kennedy o JFK.
Nakikipag-koordinar na man sinda sa mga eskwelahan ngani magsagibo nin webinars para sa historya kan nacion.
Pinaglalaoman man ni Bohol, na ipadagos an pagtukdo sa mga jovenes sa mga eskwelahan kan mga nangyari kaito na nagpabado sa historya.
Tinawan doon man niya na dai dapat baluktuton an mga nangyari kaito huli ta dakulang epekto ini sa kakulangan sa kaaraman asin naapektaran suboot kaini an kada desisyon na piggigibo sa pang-urualdaw ngonian na panahon.
Nagpagirumdom man an opisyal na posibleng igwang epekto ini sa kun papano magboto sa maabot na 2028 election, kun kaya dapat na padagos na itukdo sa mga joven o mga aki kan mga tunay na nangyari, orog na an dakulang sakripisyo ni dating Senator Aquino sa nacion.
