LEGAZPI CITY-Nagpahayag nin reaksiyon an Atin Ito Coalition kung sain sinabing ‘deserved’ kan China an nangyaring banggaan kan sainda mismong mga barko mantang pighahabol an BRP Suluan (MRRV-4406).
Segun kay Atin ito Coalition Co-convenor Rafaela David, sa intrevista kan Bombo Radyo Legazpi, na namamatian an mismong karma asin kung papano ka-bayolente asin nagtatao nin peligro an mga chinese vessels sa mga Pilipino, frontliners asin mga parasisisra, pigtatawanan man ninda nin peligro an saindang mga sadiring buhay.
Dugang pa ni David na saro ining violent asin reckless na behavior sa kadagatan kan Pilipinas.
Saludo man suboot siya sa mga nakasakay sa BRP Suluan huli sa ipinamalas na tapang, kabayanihan, magin an saindang compassion asin empphaty kung sain sinda pa an nagpaabot nin tabang sa chinese vessel mantang sinda na an pigha-harass asin pighahabol.
Sinabi man ni David na sinda mismo an naghahanap nin insidente sa kadagatan kan Pilipinas, na kung susumahon suboot wara sinda nin sovereign rights digdi.
Dagdag pa kan opisyal na mahihiling an intensyon kan China na mang-harass asin mang-intimidate na nagigin kawsa kan peligro sa mga kababayang Pilipino.
