LEGAZPI CITY—Puminakol na sa labi P128 milyon an assumption losses sa sektor nin agrikutura na sakop kan 6 kilometer permanent danger zone huli sa padagos na aktibidad kan bulkang Mayon.
Segun ki Albay Provincial Agriculture Office Asst. Provincial Agriculturist Daryl John Buenconsejo, sa intrevista kan Bombo Radyo Legazpi, kabale na digdi an produktong bagas, mais, high value crops, abaca, asin niyog.
Apektado an nasa 1,419 na paraooma sa high value crops, 596 na paraooma sa rice areas, 25 na paraooma an apektado sa produktong mais, 86 paraooma sa produktong abaca, asin 523 paraooma an apektado sa mga produktong niyog.
Mantang nagsakat na labi sa P272,000 an assumption losses sa sektor kan pagsisira kun saen 18 na parasisirang may kagsadiri nin pangsisira an apektado digdi.
Dugang kan opisyal na nasa 2,644 na paraooma asin livestock raisers an makikinabang sa cash for program kan Department of Labor and Employment kun saen matrabaho sinda nin 30 aldaw asin makakaresibe nin P13, 050 kada sarong benipisyaryo.
