LEGAZPI CITY — Nakadepende suboot sa bestfriend na si Sen. Manny Pacquiao an desisyon kun dagos na ining maretirso sa pagboboksing o dae. Kasunod ini kan mga komento sa social media na kaipuhan nang magretiro kan Pambansang Kamao makalihis na madaog sa laban sa Australia kan nakaaging Domingo.
Segun ki assistant trainer Restituto ‘Buboy’ Fernandez, an boxing-senator an nakakaaram kun nuarin mababa sa ring asin dae suboot ini pwedesir na piriton.
Naistroya naman suboot saiya ni Pacman na pighahanap kan saiyang lawas an pagmata nin amay sa pagkaaga ngane na mag-ensayo. Dae man pinalagpas kaini an mga bashers na nagsasabing magretiro na si Pacman huli sa gurang na ini.
Bweltada ni Fernandez, baluon nindang saluhon an mga bungag ni Pacman ngane maaraman kun talagang kaipuhan nang magretiro.
Dugang kaini, an edad sana an naglalangkaw alagad warang problema sa mga hiro asin kusog ninda.
Sinabi pa kaini na si Pacquiao sana an senador na nagtatao nin pabahay para sa mga pobre gamit an napangganahang kwarta sa laban.
Sa ngonian, nagpaparahay suboot si Pacquiao sa saiyang private resort sa General Santos City mantang nagbalik man sa probinsya kan Albay si Fernandez para sa saiyang obligasyon bilang municipal councilor sa Polangui.
