LEGAZPI CITY- Nakapagrehistro nin ashfall o pagbagsak nin abo sa Barangay Bogña, Legazpi City.
Napatos nin abo an nagkapirang mga behikulo asin mga dahon sa lugar huli sa aktibidad kan bulkang Mayon.
Segun sa sarong residente kan Barangay Bogña na si Alan Esquivel sa intrevista kan Bombo Radyo Legazpi na maski pa sanay na sinda sa aktibidad kan bulkan, saro sa pigkakahaditan ninda an padagos na pagkakaigwa nin uson o pyroclastic density currents.
Nahahadit kaya ini na maka apekto sa salud kan mga kaakian asin kan mga residente an abo.
Huli digdi, pinayuhan ni Esquivel an mga kabarangay na magsulot nin facemasks ngani na maprotehiran an saindang salud.
