Nagpaluwas nin pahayag an Assumption Student Council kasunod kan lakdang na paghali sa ladawan ni Senator Loren Legarda sa Wall of Empowered Women.
Marurumduman na nakaresibe nin magkakahalong reaksyon an nasabing lakdang.
Sa ipinaluwas na statement, sinabi kan ASC na alagad pigbibisto ninda an ambag kan senadora, dae na suboot nagsasalming sa mga pigtatawan nin importansya kan eskwelahan an saiyang mga nakalihis na political actions.
Katakod ini kan nagin pagbabago sa liderato kan Senado kan Mayo 11, 2026, kun sain buminoto si Legarda pabor kay Alan Peter Cayetano bilang Senate President.
Nanindugan an ASC na an honra na mailaag sa nasabing pader an para sana sa mga kababaihan na padagos na nagpapahiling nin integridad, paninimbagan asin malasakit sa banwaan.
