Mawawaran nin komunikasyon an mga astronaut kan Artemis II mission sa oras na lumagpas an saindang spacecraft sa likod kan bulan sa Lunes nin banggi, bandang 23:47 BST.
Huli sa posisyon kan bulan, dae makaka agi an mga radio asin laser signals na nagkokonektar sa sainda sa mission control sa Houston, Texas.
Sa laog nin poco mas o menos 40 minuto, magtetenir na warang contact an apat na astronaut mantang naglalakbay sa kalawakan.
Segun ki pilot Victor Glover, an nasabing oras an posibleng magin pagkakataon sa kinaban na magkasararo asin magpadara nin pangadyi para sa saindang salbadong pagbabalik sa komunikasyon.
Labi sa 50 taon na an nakalihis kan maeksperyensyahan man kan Apollo astronauts an kaparehong isolation.
Pinakatanyag si Michael Collins kan Apollo 11, na nawalat sa command module mantang sinda Neil Armstrong asin Buzz Aldrin an naglalakaw sa lunar surface.
Mientras tanto, gagamiton kanArtemis crew an blackout period para sa lunar observation, pagkuwa nin mga imahe, pag-aadal nin geology kan bulan asin pagmamasid sa gayon kaini.
Oras na bumalik na an signal, pinaglalaoman na maghahatod sinda nin mga kamangha-manghang tanawin hali sa saindang makasaysayang misyon.
