LEGAZPI CITY-Nangangapudan an Municipal Disaster Risk Reduction and Management Office kan Aroroy sa Masbate na matawanan sinda nin suplay kan tubig para sa mga residenteng naapektaran kan Bagyong “Opong”.
Segun kay Aroroy Municipal Disaster Risk Reduction and Management Office Head Ronnie Atacador, sa intrevista kan Bombo Radyo Legazpi, na kaipuhan kan saindang mga residente huli sa an saindang water station an dai maka-operar asin naubusan na sinda nin suplay nin inumong tubig.
Haros wara na suboot sinda nin gagamiton na tubig asin ubos na an tubig kan saindang mga containers.
Mientrastanto, pagirumdom man kan opisyal sa mga mabyahe sa kakalsadahan kan Aroroy na mag-ingat sa mga wires huli sa mga nagbagsakan na poste sa tahaw kan tinampo, orog na wara pa nin kuryente sa saindang lugar.
Pigaabisuhan man an gabos na enkaso wara man nin importanteng gibuhon sa luwas asin mag-standby muna sa saindang mga harong mantang dai pa nakakalihis an raot nin panahon.
