Dae na papatulan pa kan Armed Forces of the Philippines (AFP) an suboot kautikan kan China na nagkaigwa nin banggaan sa pagultangan kan barko kan Pilipinas asin China sa West Philippie Sea.
Alagad dawa dae na idinetlye pa an isinagibong legal humanitarian rotation and re-supply mission sa Ayungin shoal, sinabi ni Armed Forces of the Philippines Public Affairs Office Chief Col. Xeres Trinida na an pangenot na isyu an ilegal na presensya asin mga aksyon kan China sa laog kan Exclusive Economic Zone kan Pilipinas.
Tinawang duon kaini an padagos na an agresibong lakdang kan China Coast Guard sa West Philippine Sea an nagpapalangkaw nin tensyon sa rehiyon.
Sa ibong kan mga agyat, enot nang tinawang duon kan Armed Forces of the Philippines an direchos kan Pilipinas sa Ayungin shoal asin padagos na pigsisimbagan an pangangaipo kan mga suldadong naka-designar sa BRP Sierra Madre.
