Igwa nin mga nakalatag an mga lakdang an Armed Forces of the Philippines ngani na simbagan an anti-trespassing policy kan China sa West Philippine Sea, na nagin epektibo kasuodma.
Segun ki Armed Forces of the Philippines Chief of Staff General Romeo Brawner, igwa sinda nin mga preparasyon na ginibo kaibanan an manlain-lain na concerned agencies siring kan Philippine Coast Guard, Philippine National Police, Bureau of Fisheries and Aquatic Resources asin iba pang mga ahensya ngani na tapatan an detention policy kan Beijing sa pinag-aagawang teritoryo.
Pigkaklamar kaya kan China parte kan saindang teritoryo an 10-dash line.
Aminado si Brawner na sinda an nahahandal dapit sa nasabing isyu alagad tinawang duon na dae dapat matakod huli ta an nasabing lugar an parte kan exclusive economic zone kan Pilipinas.
Nangangahulugan sana ini na wara nin huriskdiksyon digdi an China.
Inenganyar man ni Brawner an mga parasira na ipagpadagos sana an saindang normal routine sa laog kan exclusive economic zone huli ta nakaalalay ninda ngani na protehiran an mga Pilipinong parasira.
Mientras tanto, inihayag pa kan opisyal na dae sinda magpapatanyog sa polisiya kan China, kaya padagos an saindang maritime patrol sa lugar.
Sinabi pa ni Brawner na padagos an saindang resupply mission asin rotation troops BRP Sierra Madre sa Ayungin Shoal.
Dugang pa kaini na kadakol na paagi ngani na maihatod an mga supply kan mga suldado na naka-station sa BRP Sierra Madre.
