Legazpi City- Pighihiling bilang sarong band-aid solution sana kan grupo kan paratukdo an kakapirma pa sanang Academic Recovery and Accessible Learning (ARAL) Law.
Segun kay Vlademir Quetua, an chairperson kan Alliance of Concerned Teachers sa intrevista kan Bombo Radyo Legazpi na maski na igwang pinirmahan suboot na batas an Presidente an wara man giraray na pinagkaiba asin wara man na magayon na epekto sa mga naenot na polisya kan gobyerno.
Hapot man kaini sa gobyerno kun mapapagayon kan nasambitang ley an mga pigkakahampang na problema kan mga paratukdo partikular na kan saindang mental health.
Pigdugang man kaini na dawa wara pang aral law, plano na suboot kan Department of Education na magbugtak nin intervention nganing mapalangkaw suboot an kalidad kan edukasyon asin obheto suboot kan ley na tabangan an estudyante alagad wara an tabang para sa mga paratukdo partikular na sa naglalangkawan na presyo kan bakalon asin ibabang sweldo kan mga ini.
Segun pa kay Quetua na dae nakonsulta an nasambitang ley sainda asin dae na pigkakauron ni Deped Secretary Angara an saindang grupo pagkatapos na magtukaw ini bilang secretary.
Pigtaram kaini na gare nagtitipid suboot an gobyerno sa paagi kan ley nin huli ta magigin self service sana an mangyayari asin bako long term sulution siring man na nagkunsulta dapat an mga ini sa mga paratukdo nganing maidentipika kun ano talaga an napapanahong isyu ngunyan.
Pangapodan kaini sa paratukdo na makisumaro sa pagkalampag ninda sa gobyerno na dugangan an mga benipisyaryo kan mga paratukdo nganing mapamaray an saindang kamugtakan asin suportaran an pigbubusol kaini na mapamaray an kamugtakan kan mga paratukdo sa buong nasyon.
