LEGAZPI CITY- Tinawan duon kan sarong board member sa probinsya kan Catanduanes na habo ninda nin sarong nag-ootik na huwes ngani na magrepresentar sa saindang korte.
Sa itribista ki Board Member Jovanni Balmadrid, kinumpirmar kaini na aprubado na an saiyang propuestong resolusyon na pag-relief ki Hon. Judge Lelu Contreras.
Ini huli suboot sa pag-otik kan nasambitan na huwes sa isinagibong committee hearing kan Dangerous Drugs Board katakod kan nadiskubreng shabu laboratory sa Palta Smal Virac, sa parehong probinsya.
Partikular na sinabi ni Balmadrid na nag-otik si Judge Contreras kan haputon kan komite kun nagpasiring sya sa bisinidad kan shabu lab alagad simbag suboot kaini na nagduman sana sya makalihis an pag-isyu nin search warrant.
Ini an nagin rason ngani na mawaraan nin kumpyansa an mga opisyales kan Catanduanes sa nasambitan na huwes.
Sa ngunyan, ipighayag ni Balmadrid na nasa proseso na nin pagpasa sa Korte Suprema an aprubado nang resolusyon na maagi pa sa Kamara de Representantes, Senado asin opisina ni Presidente Rodrigo Duterte.
