LEGAZPI CITY-Nangangapudan nin tabang an apektadong mga pamilya kan dakulang sinkhole sa Purok 8 Brgy. Masarawag Guinobatan Albay.
Paghistorya ni Maria Teresa Baluyot, saro mga apektadong residente sa intrevista kan Bombo Radyo Legazpi na ikinakigkig niya an pagbutwa kan sarong dakulang sinkhole sa saindang harong kun sain dati nang nahulog an saiyang makuapo.
Dakula suboot an sinkhole sa saindang lugar na nagabot na sa saindang gate, sa atubangan, magin sa likudan kan saindang harong.
Sa ngonian, nangungupahan muna sinda huli sa peligro asin pagkahandal na anumang oras posibleng maglubog an bilog nindang kaharongan.
Nangangapudan man sinda sa lokal na gobierno na gibuhong prayoridad an paghahanap nin relocation site asin tulos na aksyunan ini huli sa may kadifisilan an saindang sitwasyon.
