LEGAZPI CITY – Plano kan Albay Power and Energy Corporation (APEC) na i-apela an naging desisyon kan Special General Membership Assembly (SGMA) na nagkakansela kan saindang concession agreement bilang power distributor kan provincia.
Sa eksklusibong intrevista kan Bombo Legazpi kay Pat Gutierez an tagapagtaram kan APEC, nanindugan ining wara nin legal na basehan an pagkansela sa agreement lalo pang nasa walong taon pa sana na nakakatukaw an korporasyon hali sa 25 taon na kontrata kaini.
Kaipohan suboot na masunod an mga nakapalaog sa concession agreement na nakabase man sa legalidad.
Plano kan korporasyon na i-apela sa korte an desisyon kan SGMA alagad preparado man suboot na makipagtabangan sa Albay Power and Energy Corporation (ALECO) para sa magiging transition.
Sa ngunyan naghahalat pa an APEC kan pormal na komunikasyon kan SGMA sa nasabing desisyon.
Magigirumduman na kan nakalihis na semana kan magtipun-tipon an mga miyembro konsumidores sa Albay Astrodome kung sain napagdeisisyonan kan majority na kanselaron an concession agreement kan APEC sa ALECO.
