LEGAZPI CITY- Nag-implementar nin search warrant an mga otoridad sa Brgy. Sabangan Caramoran, Catanduanes na nagresulta sa pagkakaarestar kan apat na persona.
Binisto an mga suspek na sinda Joan Delos Santos, Liza Salvidar, Benjie Fernandez asin Joseph Olesco.
Enot kaini, nagpaluwas nin search warrant si Judge Lelu Contreras kan RTC Branch 43 Catanduanes kontra ki Joan asin sarong Isias Delos Santso na residentes kan nasambitan na lugar.
Alagad kan mag-abot an mga tauhan kan Criminal Investigation and Detection Group (CIDT) asin RCIDU5, RACO 5, Caramoran MPS, Maneuver Platoon Catanduanes Provincial Public Safety Company, wara sa lugar si Isias.
Narekober sa mga nadakop na suspek an 1 calculator, 7 ballpen, 2 cellphone, 176 na pidaso nin papelitos, 2 tally sheet card board asin kwarta na nagkakantidad nin P18,160.
Kakahampagon kan mga ini an kasong pagbalgar sa Presidential Decree 1602 na inamyendaran kan Republic Act 9287 o “Lotteng.”
Katakod man giraray ini kan pinahigot na kampanya kan gobyerno kontra sa ipigbabawal na sugal.
