LEGAZPI CITY—Naarestar an apat na lalaki sa kinundusir na anti-illegal gambling operation kan Daraga Municipal Police Station sa P-6 Brgy. Ibaugan, Daraga, Albay.
Segun ki Albay PPO Provincial Director PCOL Julius Añonuevo, sa intrevista kan Bombo Radyo Legazpi, an mga suspetsado naarestar huli sa ilegal na tupada asin nakumpiskar sainda an bet money, tari asin manok.
Dugang kaini na may nakumpiskar man sa saro sa mga suspetsado an bako lisensyadong badil asin pwedesir na masunadan ini nin kasong illegal possession of firearms.
Sa presente, nakakulong na an mga ini sa kustodiya kan Daraga Municipal Police Station asin mahahampang sa magkakanigong kaso.
Nangapudan man an opisyal na punduhon na an pagsagibo nin mga ilegal na sugal asin nangapudan man ini sa mga nakakahiling nin siring na ilegal na aktibidad na tulos ining i-report sa mga otoridad.
