LEGAZPI CITY — Nagtao man an lokal na gobyerno kan syudad kan Legazpi nin dugang na insentibo para sa mga centenarians o mga personang nag-abot sa sanggatos an edad.
Segun ki Legazpi City Mayor Noel Rosal, apwera pa sa itinaong P100,000 kan Department of Social Welfare and Development (DSWD), nagtao man suboot sinda nin P30,000 bilang counterpart kan syudad.
Naresibe suboot kan tulong persona asin sarong kaparientes kan centenarian an nasabing kantidad.
Sinabi pa ni Rosal na pigpapahiling sana kan nasabing aksyon na parte man an mga senior citizens kan programa kan gobyerno.
Dugang pa kan alkalde, posibleng madugangan o malangkawan pa an kantidad na ini sa masunod na taon.
Mientrastanto, pwedesir man suboot na magpasiring sa saindang opisina an mga mawot man na magin benepisyaryo sa paagi kan pagsumiter kan mga rekisitos.
Naglalaom man si Rosal na may iba pang makakaresibe nin cash incentive sa masunod na taon.
