LEGAZPI CITY – Personal na ipig-turn over kan Legazpi City Veterinary Office an nasa apat na beagles na magiging parte kan Search and Rescue Response sa oras nin kalamidad asin emerhensya.
Segun ki Dr. Manny Estipona, an pamayo kan Legazpi City Veterinary Office sa intrevissta kan Bombo Radyo Legazpi, masairarom an mga ini sa anom na bulan na training antes na maisabay sa K9 Search and Rescue Team kan Philippine Coast Guard District Bicol.
Parte man suboot kaini an pagpapakusog kan disaster response kan syudad.
Kun babalikan, enot nang uminagi asin nakapasar sa training an nasa sampulong mga beagles na sa ngunyan napapakinabangan na kan city government durante kan tulong aldaw na search and retrieval operation kan sarong 43 anyos na naireport na nawara kan nakalihis na Oktubre 22 mientras na nagbabalyo sa Mabinit-Bonga spillway.
