LEGAZPI CITY— Nagbilog nin kinakaipuhang interventions plan an disaster officials asin local chief executives sa apat na banwaan sa Albay tangarig na pagaanon an impact kan posibleng lahar flow sa mga masunod na aldaw.
An nasabing meeting an parte kan propuesto ni Presidential Adviser on Political Affairs and Mayon Eruption Crisis manager Secretary Francis Tolentino na magkrear nin task force para sa anti-lahar intervention.
Nagbungkaras an ideya kan ireport ni Phivolcs volcanologist Paul Alanis durante kan Mayon Crisis briefing na nakapagbuga an Mayon nin nasa 90 million cubic meters na compuesto nin pyroclastic density currents (PDC) o uson, ash falls asin lava mantang 37% kan mga ini an loose materials na pwedesir madara kan baha kun mag-abot sa 20 millimeter hasta 25 millimeter an rainfall kada oras sa provincia.
Segun ki Tolentino, pinaka-apektado kaini an mga banwaan kan Daraga, Camalig, Sto. Domingo, asin Guinobatan.
Naggibo na man an gobierno nin kinakaipuhang solusyon para sa posibleng epekto kan of lahar flow.
Ngonian pa sana, dapat na ining paghandaan siring kan kun pira an kaipuhan i-ebakwar asin pondo.
