LEGAZPI CITY – Arestado an anom na persona sa Karangahan Boulevard, Barangay Bombon syudad kan tabaco huli sa pagbayolar sa Republic Act 8048 o Coconut Preservation Act of 1995.
Nabisto an mga suspetsado na sinda Jerry Jadie, 50-anyos na iyo an nagmamanehar kan truck kun sain nakakarga an mga cocolumber, Alexis Banga, 48-anyos, Christian Calisin, 24-anyos; Rommel Leron, 19-anyos, Alden Piojo, 17-anyo; asin Roger Diamante, 14-anyos na anas residente kan syudad kan Legazpi.
Enot kaini, nadakop an mga suspek na nagabiyahe karga an nasa 329 na pidaso nin cocolumber kun sain wara ining naipresentar na magkakanigong dokumento na mapatunay sa legalidad kan saindang transsportasyon.
Segun sa mga ini, binakal ninda an nasambitan na mga lumber sa sarong dealer sa banwaan kan Tiwi alagad dae nadara an resibo.
Sa presente nasa kustodiya na kan Tabaco City Police Station an nasambitan na mga lumber asin an truck para sa beripikasyon kaini.
