LEGAZPI CITY- Dakula suboot an pagkakalaen kan annullment asin dibursyo na ipigbubusol ni Absolute Divorce and Dissolution of Marriage bill author asin Albay First District Representative Edcel Lagman.
Pag-eksplikar ni Lagman na kaibanan sa mga causa kan annullment an nangyayari durante kan selebrasyon kan kasal mientras na an dibursyo an naglalataw makalihis na kan kasal.
Sa lado man kan legal separation, dawa pa suboot pigtatawanan nin tsansa na magsuway an mag-agom, dae man giraray pigtutugutan na makapag-agom nin iba an parehong lado bako arog sa posibleng magin resulta kan divorce.
Katakod kaini, segun ki Lagman, mapi-preventaran an dakulon na surusugpon na pamilya siring man an pamumuhay sa kasalan.
Depensar pa ni Lagman sa mga nagsasabing contrario ini sa mga pagtubod sa kasal, wara man suboot matrimonio na mararaot o kaipuhang protehiran urog kun haloy nang naraot an pag-iba iba kan mag-agom.
