Pig-aantabayanan na ngunyan na aldaw nin Martes an sarong annular solar eclipse o pig-aapod na “Ring of Fire.”
Segun sa Pagasa Astronomical Division, posible ining mangyari bandang alas-7:13 nin banggi oras sa Pilipinas, asin madurar nin poco mas o menos duwang minuto asin 20 segundo sa peak stage kaini.
Madadalan an annularity sa nagkapirang parte kan Antarctica, mantang maeeksperyensyahan man an partial eclipse sa South Africa, South America, asin nagkapirang parte kan Indian Ocean, Pacific Ocean, asin Atlantic Ocean.
Sa Pilipinas, dae matatanaw an nasabing eclipse huli ta wara sa path kan annularity an nacion.
Sa ibong kaini, pinaglalaoman na magiging tampok ini sa mga observatory asin scientific communities sa mga nacon na sakop kan eclipse.
Pigkokunsiderar kan mga eksperto na importanteng pagkakataon ini para sa hirarom na pag-aadal sa hiro kan aldaw asin bulan, siring man sa epekto kan eclipse sa kapalibutan.
