Nagtaram na an aktres asin TV host na si Anne Curtis sa kontrobersya katakod sa pagbanggit ni Quezon City 4th District Representative Bong Suntay sa saiyang pangaran sa suboot sekswal asin malaswang “analogy” sa hearing sa House of Representatives.
Sa saiyang social media statement, sinabi ni Curtis na nanahimik muna siya huli sa enenot niyang makaiba an saiyang pamilya na na-stranded sa Middle East. Alagad ngunyan na nakabalik na siya sa Pilipinas, sinabi niyang kaipuhan na niyang magtaram bako sa paghihiganti o drama, kundi huli sala suboot an magtenir na silencio para saiya asin sa gabos kan kababaihang nakakaeksperyensya nin siring na sitwasyon.
Tinuligsa man kan aktres an pahayag kan kongresista asin inapod ining “bulgar asin sexualized,” urog na ginamit suboot an saiyang pangaran nin warang permiso asin warang pagrespeto. Aminado siyang nakulugan, nahadit asin nadagit sa paagi kan pagkakabanggit saiya.
Segun sa aktres, bako kakaiba an siring na karanasan huli sa kadakol na kababaihan an nakakaeksperyensya nin mga sekswal na komento uro-aldaw, alagad mas nakakahandal suboot huli sa hale ini sa sarong opisyal kan gobierno.
Dae man tinanggap ni Curtis an paghagad nin despensa ni Suntay alagad binisto niya an paghagad nin despensa kan agom kaini.
Ipigdoon man niya na an insidente an repleksyon sa mas mahewas na problema kan sexism sa komunidad asin nangapudan sa mga awtoridad, kabale an ethics committee, na imbestigaran an nangyari.
Mientrastanto, pigkokonsulta na man kan aktres an saiyang mga abogado nganing pag-adala an mga posibleng legal na lakdang.
Ipighayag man kan saiyang legal counsel na ang nasabing pahayag an bako angkop asin bako katanggap-tanggap, asin dae dapat gibohong tema nin sekswal na komentaryo an sisay man na babae, famuso man o pribadong namamanwaan.
