LEGAZPI CITY—Nakikiulay an sarong animal welfare group sa publiko na magin responsable sa paggamit nin mga paputok ngonian na Bagong Taon huli sa epekto kaini sa mga hayop.
Segun ki Tabaco Animal Rescue and Adoption Head Volunteer Ednalyn De Lara, sa intrevista kan Bombo Radyo Legazpi, na mantang nasa katahawan nin kaogmahan an namamanwaan, alagad kabaliktadan ini paa sa mga ataman na hayop na natatakot sa siring na mga pagpapaputok.
Dapat man na siertohong salbado an mga hayop asin mas importante an kun pwedesir an magtinir sa saindang kataning nganing mabawasan an saindang stress sa mga nainambitang pangyayari.
Tinawan-duon kan opisyal na bako sana an kaogmahan kan lambang saro an isipon sa mga siring kaining okasyon kundi dapat na pantay ining naoobserbaran magin sa mga hayop.
