LEGAZPI CITY—Naglalaom an sarong animal welfare group na makipagtabangan an mga opisyales kan barangay partikular na sa Brgy. Oras, Tabaco City, Albay huli kan mga nairehistrong insidente nin panghuhudong sa mga atamang ayam asin ikos sa lugar.
Segun ki Albay Animal Rescue Alliance Head Volunteer Ednalyn Cristo, sa intrevista kan Bombo Radyo Legazpi, na naglalaom sinda na gibohon kan naunambitang barangay an saindang gabos na makakaya asin magkakanigong aksyon ngani na mas maparikas an pagresolbar kan mga naunambitang kaso.
Siring man ngani na dae ninda mamatean an pagpabaya sa saindang piglalaban na mga karapatan kan mga hayop.
Mientrastanto, sinabi kan opisyal na padagos an saindang paglaom na makahanap nin mga kakampi sa barangay sa ibong kan mga posibleng kadificilan na saindang kakahampangon, asin en kaso man may mga kaso nin pangmamaltrato nin mga hayop dapat na makipagkooperar an barangay ngani na maresolbaran an siring na mga kaso.
Dugang kaini na dapat magkaigwa nin animal welfare campaign education an barangay ngani na maski papano mabawasan an mga nasambitang insidente.
