LEGAZPI CITY-Nagpaluwas nin matinding pahayag an aktres na si Angel Locsin laban kay Senator Robin Padilla makalihis magtuga ini na sarong “komunista” sa tahaw kan impeachment trial ni Vice President Sara Duterte.
Sa halawig na post sa social media, binalikan ni Angel an mga panahong harani pa sinda sa kada saro asin sinabi niyang pirmihang pig-iistorya ni Padilla an saiyang eksperyensya sa pakikibala asin pagintra sa armadong kilusan.
Segun kay Angel, narumduman niya an “dating Robin Padilla” na saiyang nabisto huli sa nagin pahayag kan senador.
Alagad, kinuwestiyon ni Locsin kun nanahinik suboot si Padilla kan siya pauru-utrong nai-red-tag, maski aram suboot kan senador na bako totoo an mga paratang laban sa saiya.
Sinabi pa kan aktres na dai niya naiintindihan an suboot pigsasagibong suporta ni Padilla kay Pastor Apollo Quiboloy, na presenteng nahahampang sa mga kasong Qualified Human Trafficking, Child Abuse, asin iba pa.
Pinuna man niya an posisyon ni Padilla katakod sa China, na suboot taliwas sa dating imahe kan senador bilang sarong makabayan.
