LEGAZPI CITY- (Update) Pighahalat na sana kan Albay Police Provincial Office an magigin resulta kan ipigsasagibong imbestigasyon kan Daraga Municipal Police katakod kan pagkakadiskubre sa sarong bangkay sa bakanteng lote sa Doña Maria Subd., Brgy. Tagas, Daraga, Albay na pigtutubudan na menor de edad.
Sa intrevista kan Bombo Radyo ki Albay PNP spokesperson PC/Insp. Arthur Gomez, napapatos suboot nin mga sako nin semento asin namamarong na kan madiskubre an nasambit na hawak.
Nagtutubod man an mga otoridad na itinapok na sana ini sa lugar asin bako duman isinagibo an panggagadan.
Sa ngonian, nangangapudan si Gomez sa posibleng parientes kan dae pa nabibistong hawak na nagsapar suboot nin 41 saksak hale sa suspetsado.
En kaso na wara magkua sa bangkay, nakatalaan na ipalubong ini kan mismong opisina mientras na sienertong dokumentado an mga palatandaan sa siisay man na ma-claim na parientes.
Ipigsugo na man an checking sa mga CCTV footages kan pagtaraid na establisyemento na makakatabang suboot sa pag-analisa sa imbestigasyon.
