Afuera sa pamilya “Piattos”, mga “Dodong”, “Jay Kamote” at “Miggy Mango”, nakaresibe man soboot nin confidential fund sinda “Amoy” asin “Asim” sa isinumiter na dokumento ni Vice President Sara Duterte sa Commission on Audit (COA).
Nadiskubre ang kuwestyunableng mga pangaran na sinda “Amoy Liu”, “Fernan Amuy”, asin “Joug De Asim”.
Sinabi ni House Deputy Majority Leader asin La Union Rep. Paolo Ortega V. na an mga ini an warang birth, marriage, o death record sa database kan Philippine Statistics Authority (PSA).
Enot nang kinuwestyon kun tunay na persona sinda “Mary Grace Piattos”, “Renan Piatos”, “Pia Piatos-Lim”, “Xiaome Ocho”, “Jay Kamote”, “Miggy Mango”, asin lima pa na may pangarang Dodong na nasa listahan kan mga nakaresibi nin confidential funds kan Office of the Vice President (OVP).
Gikan sa 1,992 na nakaresibi nin confidential funds sa OVP, sinabi ni Ortega na 1,322 an warang birth records, 1,456 an warang marriage records asin 1,593 an warang death records.
