Arestado kan mga otoridad an sarong lalaki na nahahampang sa walong counts nin rape asin duwang counts nin sexual assault sa Alcapan, Cagayan.
Sa intrevista kan Bombo Radyo Cauayan ki PMaj. Fernando Mallillin, hepe kan Ramon Police Station, kinumpirmar kaini na an biktima an aki man sana kan suspetsado.
Napag-araman na pauru-utro ining inabuso kan sadiring ama.
Nagluwas sa imbestigasyon na nagta trabako an ina kan biktima sa ibang lugar kaya nagkakaigwa nin tsansa an suspek na abusuhon an biktima.
Komon suboot na nangyayari an panlulugos tuyong nakainom nin arak an suspek.
Segun pa sa mga otoridad na nai-report sana an insidente kan mga miyembro kan lokal na simbahan na naghagad tabang makalihis maaraman an sitwasyon.
Napag-araman pa na aram palan kan ibang kaparientes kan biktima an nangyayaring pang-aabuso alagad dae nagsumbong sa mga otoridad huli ta nasusupog an mga ini.
