Ipighayag kan Malakanyang na wara pang pag-oolay mapadapit sa posibleng alyansa sa pagultangan kan administrasyon asin oposisyon para sa 2028 elections.
Ini an kasunod kan pahayag ni Sen. Risa Hontiveros na dae pa sierto an oposisyon kun kakaipuhanon nindang makipag-alyansa sa kampo kan Presidente nganing daugon an kandidatura ni Vice President Sara Duterte sa 2028 Presidential elections.
Segun ki Palace Press Officer Usec. Claire Castro, sa presente an dae pa napag-uulayan an nasabing posibilidad.
Dugang pa ni Castro, tulos man nagtatao nin update an administrasyon en kaso magkaigwa nin pag-uswag sa orolay.
Sa presente, dae pa pig-iisip ni Presidente Ferdinand Marcos Jr. ang pulitika urog na harayo pa an eleksyon.
Nakasentro an Presidente sa mga programa asin proyekto nganing pauswagon pa an nacion.
Tinawan-doon man ni Castro an pagkakaiba kan “politician” asin “statesman”, kun saen an enot an nakasentro sa masunod na eleksyon mantang an huri an pig-iisip an masunod na henerasyon.
Sinabihan ni Castro si VP Sara na sarong “politician” makalihis magdeklara na kan saiyang presidential bid para sa 2028 national elections.
