LEGAZPI CITY-Nanindugan si Department of Public Works and Highways (DPWH) Secretary Vince Dizon na wara ng mga ‘allocables’ sa 2027 na propuestong national budget.
Ginibo kan kalihim an pahayag kasunod kan hapot kan ACT Teachers Party-list Representative Antonio Tinio madapit sa report kan Philippine Center for Investigative Journalism (PCIJ) na igwang ‘leadership funds’ asin ‘allocables’ kan mga nakaaging taon.
Alagad, segun ki Dizon, wara nin allocable sa propuestong pondo para sa masunod na taon, asin an parametric formula dae na ginamit sa pagbilog kan DPWH budget proposal.
Imbes, sa dati nang formula nakabase suboot ngonian an 2027 DPWH budget sa mga proyekto na nagseserbing prayoridad kan mismong mga distrito asin rehiyon.
Sinita kan kalihim an 80% kan labi sa 11,000 na proyekto sa propuestong budget na igwang mga endorso gikan sa Regional Development Councils (RDCs) hale sa manlaen-laen na rehiyon sa bilog na nacion.
Dakulang pagbabago suboot ini kumpara sa mga nakaaging budget kun saen 25% hasta 30% sana kan mga proyekto an igwa nin RDC endorsement.
Naglalaom an kalihim na maaprobaran an budget proposal kan DPWH para sa masunod na taon, huli ta kabale digdi an pondo para sa mas dakul pang proyekto, kumpara sa ngonian na taon.
