LEGAZPI CITY-Dismayado an sarong grupo nin mga paratukdo sa academic remarks ni dating University of the Philippines (UP) Professor Clarita Carlos kun sain nabanggit niyang kun “bobo” an paratukdo, maski pa airconditioned an mga classrooms, warang learnings an mga estudyante.
Segun kay Alliance of Concerned Teachers National Chairperson Ruby Ana Bernardo, sa intrevista kan Bombo Radyo Legazpi na dai ini nagtatao nin motibasyon sa mga paratukdo.
Dugang pa niya, na mapanakit an mga taramon kan Propesor sa mga paratukdo mantang sinda overworked asin underpayed na asin nakapagtapos nin pirang taon asin nakapasar sa licensure examination.
Nagtutubod man an grupo na bako ini kaluyahan kan mga paratukdo kundi igwang problema sa sistema sa katahawan kan krisis sa edukasyon.
Tinawan doon man niya na resulta ini kan kakulangan sa suporta asin budget sa edukasyon.
Sa ibong kaini, pighamon man niya an si Professor Carlos na magduman sa mga pampublikong eskwelahan ngani mahiling niya na siksikan an mga classrooms, lagpas sa 50 an mga estuyante, asin nagkukulang sa suporta an gobierno.
Dugang pa ni Bernardo na makadagit, dismayado, asin kawaran ini nin dangal asin respeto bilang dating paratukdo asin opisyal kan gobierno.
