LEGAZPI CITY- Nanindugan an alkalde kan ciudad nin Legazpi na dae ililipat an police community precinct 4 kan Barangay Taysan sa ibong kan pagsakyada kan mga pigtutubudang rebeldeng grupong New People’s Army.
Sa intrevista kan Bombo Radyo Legazpi ki Mayor Noel Rosal, aminado an opisyal na saro sa pigkakahandalan an mga residentes na harani sa PCP 4 na madamay sa anumang kariribukan.
Tinawang-duon kan alkalde na strategical point an nasabing presinto tangarig na marikas na makapag-aksyon sa mga insidente nin kriminalidad asin magtao nin police visibility kontra sa mga rebelde.
Target man sa ngunyan kan alkalde na mas matutukan pa an mga barangay sa ciudad na posible suboot na may impluwensya na kan mga rebeldeng NPA.
