Sinunadan kan Department of Justice nin 62 counts nin money laundering cases si dismissed Bamban, Tarlac Mayor Alice Guo.
Si Guo na presenteng nasa kustodiya kan Pasig City huli sa kasong 26 counts nin pagbalgar sa Anti-Money Laundering Act.
Nahahampang man ini sa five counts kan pagbalgar sa Section 4 (b) kan parehong kaso huli sa pag-convert, paglipat asin pagbakal o gamit an instrumeto o ari-arian.
Kaiba man na mahahampang sa parehas na kaso an magurang kaini na sinda Jian Zhong asin Lin Wenyi siring man an mga tugang kaini na sinda Shiela asin Seimen asin 26 na iba pa na imbuelto sa operasyon ninda kan Philippine Offshore Gaming Operators (Pogo).
Basado sa 48 pahinang resolution na iniluwas kan DOJ panel of prosecutors na an mga ganansya gikan sa POGO sa Baofu compound na pagsasadiri kan Guo an inilipat sa ibang mga lehitimong negosyo kan pamilya.
Taong 2023 kan ni-raid kan mga otoridad an POGO sa Baofu compound kun saen naarestar ninda an 300 na dayuhan na mga Chinese citizen.
Kan Marso 13, 2024 an liwat na ni-raid an nasabing lugar laban kay Zun Yuan huli sa pagkakaimbuelto sa labor trafficking, cryptocurrency scams, love scams asin investment fraud.
Kinumpirmar ni Prosecutor General Richard Anthony Fadullon na naisunad na ninda an kaso sa korte sa Capas mantang an resolution an iniluwas kan Enero.
