LEGAZPI CITY-Nagsangat nin mosyon si dating Bamban, Tarlac Mayor Alice Guo ngani magtenir sa female dormitory kan Pasig City Jail asin dai muna malipat sa Correctional Institution for Women sa Mandaluyong.
Si Guo asin pitong iba pa an nasentensyahang guilty kan Pasig RTC Branch 167 kasuudma sa kasong qualified human trafficking.
Pinatawan sinda nin habambuhay na pagkakakulong, multang nasa ₱2 milyon sa kada kaso asin pagbayad para sa danyos sa mga nagin biktima.
An kaso kasunod kan operasyon kan sarong iligal na POGO hub sa Bamban, Tarlac na nadiskubre sa raid kan mga awtoridad kan taong 2024.
Si Guo an nagin sentro kan kontrobersya makalihis akusaran kan pekeng pagkakakilanlan asin koneksyon sa Chinese na mga sindikato.
Itimakda man kan korte an pagdangog sa mosyon sa Nobyembre 26 ngani pagdesisyunan an saiyang kondisyon sa kulungan.
An desisyon kan Ombudsman asin kan korte an piglalaoman suboot na magigin importante sa pagtukoy kan masunod pang kaso para kay Guo.
