Ibinalik sa Philippine National Police custodial facility si dismissed Bamban, Tarlac Mayor Alice Guo makalihis ining darahon sa Capas Tarlac Regional Trial Court Branch 109, na nagpaluwas nin warrant of arrest kontra saiya huli sa kasong ipigsunad kan Department of the Interior and Local Government na graft and corrupt practices act.
Marurumduman na nagdesisyon an kampo ni Guo na dae magpiyansa sa nasabing kaso.
Huli digdi, ipigsugo kan korte na magtenir muna siya sa kustodiya kan PNP.
Sa lado man kan legal counsel ni Guo na si Atty. Nicole Jamilla, sinabi kaini na wara pa sindang nahihiling na rason ngani na magpiyansa si Guo huli ta igwa pang sarong warrant of arrest kontra sa dating alkalde.
