LEGAZPI CITY- Naarestar kan mga otoridad an wanter person na si Joemel Advincula alias ‘Bikoy’ sa Zone 1, Barangay San Isidro, Pili, Camarines Sur.
Ini an kasunod kan manhunt operation kan Pili Municipal Police Station sa bisa kan Warrant of Arrest para sa tulong counts nin murder asin sarong count nin attempted murder.
Marurumduman na si alias ‘Bikoy’ an suspek sa pagkagadan tulong indibidwal sa banwaan kan Daraga, Albay kan Nobyembre 2021.
An nasabing mga biktima an nagdadalagan sa lokal na posisyon sa Donsol, Sorsogon asin binadil ini sa Daraga.
Nagrekomendar man an korte nin pinansa na nasa P120,000 para sa kada saro kan pigkakahampang niyang three counts nin murder asin P120,000 para sa attempted murder.
Marurumduman na si Bikoy an nasa likod kan kontrobersyal na “Ang Totoong Narcolist” videos.
