LEGAZPI CITY-Natapos na an kampanya ni Alex Eala sa 2026 US Open pagkatapos na siya madaog kan Amerikanong tennis player na si Iva Jovic sa tulong set na laban sa Arthur Ashe Stadium sa New York.
Si Eala natakdag ki Jovic sa scores na 5-7, 6-3, 5-7 sa Round of 32 pagkatapos nin labing tulong oras na aksyon sa court.
An Filipinang tennis star nakipaglaban sa kapinunan, nadaog nin 1-4 sa enot na set bago nag-rally nganing ma-level an laban. Alagad, si Jovic an nakakua pa man giraray kan enot na set, 7-5.
Nagbalik si Eala sa ikaduwang set asin nanggana ini nin 6-3 nganing ipadagos an laban sa nagdedesisyon na set.
Sa ikatulong set, uminabot sa 4-2 an bentahe ni Eala asin halos makaabante na sa sunod na round. Alagad nakabawi si Jovic asin tinambakan an kapangganahan sa huring duwang laban.
An pagdaog niya an nagtapos kan kampanya sa torneo ni Eala mantang makikipag-atubang si Jovic ki Coco Gauff sa ikaapat na round kan US Open.
