Nagtapos na an impresibong kampanya ni Pinay tennis star Alex Eala sa Canadian Open makalihis siyang daugon ni Belinda Bencic, sa score na 6-4, 6-0.
Sa paghahampangan kan duwa sa Round of 16, nakuwa tulos ni Bencic an momentum asin naibulsa an enot na set.
Pag-abot sa ika-duwang set, dagos na nakontrol ni Bencic an momentum kan kawat, rason ngani na madifisilan si Eala na makapuntos.
Marurumduman na antes an laban, pigsasapar ni Eala an ankle injury na nakuwa sa huring kawat ninda ni Caty McNally.
Sa ibong kan pagkadaog, mainit man liwat siyang sinuportaran asin pinalakpakan kan mga Filipino fans sa laban niya sa Canada Open.
Mientras tanto, si Bencic an mausad na sa round of 8 kan torneyo.
