LEGAZPI CITY-Masabak an Filipina tennis star na si Alexandra “Alex” Eala sa Wimbledon women’s doubles tournament.
Sa doubles, makikipag-partner siya sa tennis player hale sa Czech Republic na si Nikola Bartunkova.
Sa saindang enot na laban, hahampangon ninda si Jelena Ostapenko kan Latvia asin si Sofia Kenin kan Estados Unidos.
Si Eala asin Bartunkova, dai pa sana nahahaloy na nag-atubang sa finals kan WTA 125 Birmingham Open, kun sain ginanahan ni Eala.
Nakipagkumpetensya man sinda sa doubles alagad nadaog sa enot na round.
Mientrastanto, sa Women’s singles, hahampangon ni Eala an Mexican tennis player na si Renata Zarazua sa enot na round.
