Liwat na masabak sa sarong dakulang angat an Filipina tennis star na si Alex Eala makalihis mag-abanse sa Round of 16 kan 2026 Canadian Open, kun saen makakahampang niya an Swiss Olympic gold medalist asin No. 12 seed na si Belinda Bencic.
Makakalaban ni Eala si Bencic saagang Lunes nin aga, 8:10 a.m. (oras sa Pilipinas) sa Centre Court of the Sobeys Stadium sa Toronto.
Kumpiyansa ang 21-anyos na si Eala makalihis na makua an ikapitong sunod na pagkagana sa torneo, kabale an matinding 6-3, 5-7, 6-4 na trayumpo laban sa American player na si Caty McNally sa third round.
Dae nagin madali an laban ki Mcnally makalihis mag-abot sa deciding set an duwang player.
Sa masunod na round, mas magabat na pagsubok an naghahalat ki Eala sa katauhan ni Bencic, na kabale sa mga seeded players kan Canadian Open asin sarong Olympic gold medalist.
Magigin importante an nasabing laban para ki Eala huli may pagkakataon siyang makalaog sa quarterfinals kan sarong 1000 tournament.
