Panibagong dakulang agyat an naghahalat ki Alex Eala makalihis mag-abanse sa third round kan Cincinnati Open, kung saen makakahampang niya an world No. 10 na si Amanda Anisimova kan Estados Unidos.
Nagsakat sa Round of 32 si Eala makalihis mangenot, 6-1, 3-0, laban kay Romanian Elena-Gabriela Ruse bago ini nagretiro huli sa injury sa toong bitis.
Mantang diresto man na nag-abanse si Anisimova makalihis daugon si Zeynep Sonmez, 6-2, 6-3.
Ini an enot na pagtatagpo ninda Eala asin Anisimova sa saindang career.
Mapoporbar digdi an magayon na momentum ni Eala makalihis niyang makua an saiyang enot na WTA Tour title sa DC Open asin maipahiling nin matatag na kampanya sa North American hard-court swing.
Nakatalaan an laban sa Lunes nin banggi, Agosto 17, oras sa Pilipinas, sa Mason, Ohio.
