LEGAZPI CITY-Abanse na si Pinay Tennis Star Alex Eala sa Round of 16 kan Miami Open makalihis na daugon si Magda Linette kan Poland, sa puntos na 6-3 asin 7-6 ngonian na aldaw nin Domingo, Marso 22, 2026.
Nakipaglaban pa si Eala sa saro pang tiebreak, kun sain siya nag-abanse sa WTA 1000 tournament.
Marurumduman na nahaluyan si Eala sa nakalihis niyang laban ki Laura Siegemund kan Biyernes sa three-set marathon.
Sa saiyang laban ngonian, nangibabaw si Eala sa enot na set, sa laog sana nin 40 minutos.
Siring man, hinamon ni Linette an ikaduwang set sa pagporbar an mapiritanan sarong decider, asin makalihis an trailing 1-3, nakabawi siya tulos.
Matapos an palitan kan kawat, nagtabla sa 6-6 an scores, kun sain uminangat si Eala sa tiebreak asin nakalamang sa 3-1 na puntos.
Nakaligtas man si Linette sa saro pang match point, alagad tinapos na ni Eala an laban sa laog nin 48 minutos.
Mientrastanto, sunod na makakahampang ni Eala si Karolina Muchova kan Czech Republic sa Round of 16.
