LEGAZPI CITY- Nagpapadagos an pigigibong massive disconnection activity kan Albay Electric Cooperative sa bilog na provincia ngunyan na bulan nin Disyembre.
Nagpuon an nasabing aktibidad kan Disyembre 15 asin madurar hasta sa Disyembre 19.
Segun ki Albay Electric Cooperative Spokesperson Anj Galero sa intrevista kan Bombo Radyo Legazpi na an gabos na mga lugar na subject for disconnection an mga may natatadang miyembros-konsumidores an igwang mga arrears.
Paliwanag kan opisyal na regular na aktibidad na ini na pinagsasagibo kan kooperatiba kun sain igwang mga pagkakataon na ribong mga kaharungan an napuputulan nin suplay nin kuryente.
Katakod kaini, inenganyar kan opisyal an mga miyembro konsumidores na magbayad kan saindang mga nakonsumong kuryente ngani na maibitaran an pagputol kan suplay.
