LEGAZPI CITY- Nagpapadagos an esfuersos kan mga otoridad ngani na mapailawan na an bilog na provincia kan Albay kasunod kan nagin epekto kan bagyong Uwan.
Segun ki Albay Electric Cooperative spokesperson Anj Galero sa intrevista kan Bombo Radyo Legazpi na nasa 68% na an na-energize sa provincia kan Albay.
Katakod kaini, nangapudan man nin pagsabot an opisyal sa mga konsumidores huli sa hewas kan danyos kan nakalihis na bagyong Uwan.
Paliwanag kaini na igwang mga natumpang poste nin kuryente asin na-busted an transformers, partikular na sa first asin third district.
Napag-araman na tinawan nin prayoridad an mga direkting linya nin kuryente sa mga distribution lines asin ipigsusunod an mga lateral lines.
Segun ki Galero na sa presente nagtatabang na man an iba pang mga electric cooperatives hali sa ibang mga provincia ngani na mas maparikas an power restoration sa Albay.
