LEGAZPI CITY – Kinondenar kan manhamiento kan Albay Electric Cooperative Inc. o ALECO an nangyaring pangha-harass sa saindang disconnection team.
Segun ki Anj Galero, an tagapagtaram kan ALECO intrevista kan Bombo Radyo Legazpi na nangyari an insidente kan nagsagibo sinda nin full blast na implematation kan pag-disconnect kan mga dae nakakabayad kan kuryente.
Basado sa initial report kan saindang disconnection team na nagpasiring sinda sa barangay hall kan lugar asin nagpaisi na makondusir sinda nin disconnection activity.
Makalihis suboot an pag-impormar kan saindang team, an pigharangan asin dae tinugutan na makaagi asin makasagibo kan aktibidad an saindang team.
Pigtaram pa kan opisyal na sa ibong kan wara mang nangyaring pisikalan, tulos sindang nakipag-koordinar sa pulisya nganing matawan nin magkakanigong aksyon sa legal na paagi an insidente.
Dae na man kaini pigtaram kun sain an lugar na pinangyarihan kan pangha-harass bilang pagtatao na man nin respeto sa imbweltong barangay.
Dakol pa na mga miembros konsumidores sa provincia an nagtetenir na dae pa nakakabayad sa kuryente asin namemeligrong isairarom sa disconnection.
Pigtaram pa ni Galero na magin pagirumdom suboot ini sa mga konsumidores na magbayad kan saindang bill sa kuryente sa tamang oras nganing malikayan an pagkaputol kan saindang linya asin nganing mamantenir an sufficient supply kan kuryente nganing dae man madamay an mga nagbabayad nin tama.
